【小店好玩DIY】笠笠咖啡畫花DIY

28 JULY 2019(SUN)

早前公關哥哥介紹左一個地方俾我同小小豬，有得DIY體驗咖啡畫花之外，Like左相關Facebook專頁之後，仲有好得意嘅卡通蛋白餅送。

雖然小小豬就唔飲咖啡，不過聽到有得DIY佢都好有興趣想玩下，就係咁我地就約埋姨姨去玩一個下午啦~

每地今日就去位於旺角係小店 - 笠笠咖啡整DIY啦~

睇人玩咖啡畫花都好多次，自己去整都係第一次，初時都好擔心困難。不過原來都有好多款式圖樣俾我地參考嘅~

除左咖啡之外，原來仲有得DIY整熱香餅，依個貪玩嘅小小豬當然又想整埋一份啦~

未開始之前就先睇下短片教學~

好啦....飲杯送一到就可以開始動手了，成日覺得這些COFFEE SHOP都係得咖啡，原來都有其他選擇，好似小小豬就左杯草莓鮮奶，我就叫左一杯紫薯鮮奶~

姨姨就向高難度挑戰，嚟一個3D版畫花~

姨姨話看似好難，但其實只要好好控制住啲泡泡，咁就好容易啦~

姨姨嘅完成品，都可接受啦....哈哈哈~

另一邊小小豬都開始畫緊，睇見佢一筆筆慢慢咁係杯面畫，又真係好似有板有眼，而且一向粗手粗腳嘅佢竟然係可以輕輕手咁去做，真係要俾個LIKE佢呀~

大功告成，雖然佢唔係整得好靚，不過都要俾少少支持佢啦~

另一個重點就一定係送嘅卡通蛋白餅，真係款款都咁可愛，好想要晒佢地呀~

我地ORDER左三杯，就可以隨機得到三款卡通蛋白餅，小小豬一見到佢近期至愛嘅比卡超就已經勁開心。款款都超可愛，睇見到唔捨得食落肚，最後就緊係俾為食豬二話不說就消滅左啦~

原本我都打算杯紫薯鮮奶自己畫，點知依個小小豬要幫我攪攪陣~

真係唔知佢想畫乜，不過最後放粒蛋白餅上去即刻好似美觀返少少~

畫完都開始有點肚餓，先嚟一個煙三文魚意香草包~

之後就嚟另一個小小豬期待節目，就係去整DIY熱香餅~

其實係整咩圖案都可以，不過小小豬就建議整佢近期熱愛嘅比卡超同精靈球~

係姐姐邊教邊幫嘅情況下終於完成，仲加多一個雪糕球，食得啦~

自己整有一份成功感之餘，仲特別好味，小小豬好快就KO晒啦~

食飽飽仲玩一陣BOARD GAME先走呀~

More Information : 
咖啡資訊平台 All About Coffee 同多間咖啡店品牌攜手推出「咖啡同行賞」優惠活動，合作嘅咖啡店遍佈港九新界，有興趣朋友仔可以Click 入去睇下有冇邊間Cafe啱你心水啦~> http://bit.ly/2S7RxLK 

PS：只需讚好All About Coffee及相關咖啡店嘅 Facebook專頁，並向店內職員出示有關頁面即可享用優惠。