16 AUGUST 2019(FRI)
難得佢鐘意,咁我地就嚟睇一套大小朋友都啱嘅合家歡音樂劇《北極熊小奀仔》啦~
每位演員都好落力演出,當中仲有九位小演員,又唱又跳完全冇怯場,最細都只係得五歲,真係要大大力為佢地鼓掌呀~
真心覺得唔錯,既有互動又有笑聲,估唔到亦都帶有洋蔥。小小豬就緊係睇得好開心,佢仲不知幾投入,睇見海鷗BB將膠袋誤以為水母時,佢即刻緊張大叫"唔好食呀...唔食得呀....係膠袋嚟呀" (嗰一刻其實我都勁尷尬,但另一角度睇,佢都係極度投入先會有依個反應啫...哈哈哈)~
特別一提個場刊打開後就會變成一個棋盤,內容同舞台劇都帶點關係,所以依個玩棋愛好者又可以返屋企繼續玩啦~
小小豬話好好睇,佢仲話要好好愛護環境,唔好開咁多冷氣,又唔好用咁多膠袋,咁北極生活嘅小動物就唔會冇左個屋企同埋冇嘢食啦!
其實依個咪係成個劇目中期待大家領會到嘅嘢,所以...我成日都話,從活動中學習總好過冇目的嘅溫習來得更入腦。
明天後天仲有三場公演,有興趣朋友都可以考慮入場支持支持。小小豬就話會期待下一個劇目,再時一家會再嚟支持支持呀!
沒有留言:
發佈留言