【郵輪初體驗】星夢郵輪三日兩夜海上之旅

27-29 JULY 2018(FRI-SUN)

其實唔止小小豬，就連我地都係第一次上郵輪玩，所以我地三口子都對今次三日兩夜嘅星夢郵輪之旅都好期待，唔知係船上有咩玩呢？

一向俾我嘅感覺郵輪都係一啲大朋友嘅玩樂地方，但原來依家都已經有好多小朋友鐘意嘅活動，好啱一家大細嚟玩~

一嚟到碼頭，我地第一時間就將我地嘅小行李托運，咁樣一陣就有專人幫我地拎入房間，我地就可以即刻去餐廳食晚餐，又真係幾方便哦~

原來CHECK-IN都可以嚟一個自助便形式，佢個步驟都好簡單(最好就係自助唔多人排隊，唔洗等咁耐)，所以小小豬都話要自己辦理呀~

見到今次我地今次上去玩嘅"世界夢號"準備泊入碼頭，小小豬都好心急好想快啲上船呀~

由於上船玩嘅朋友都比較多，所以我地就要分批上船，最後等左大約一個多鐘就開始可以過海關，然後就可以慢慢安排上船啦~

上船之後我地就先去16樓那間自助形式餐廳食晚餐，雖然場內都比較多人，但大家都好有秩序搵位同埋排隊拎食物。食物種類唔可以話好多，不過勝在佢地回得快，所以密密食都一樣冇問題~

食飽飽就當然回房間，長方形嘅房間都OK，同埋感覺都好舒服~

當然最吸引嘅就係個露台，配合埋張凳，坐係度吹吹風真係好正呀~

瞓醒就即刻出去露台，原來我地已經去到海中心，四周都係只有藍天與白雲，加上少少嘅海風吹埋嚟，超舒服呀~

去玩之前就當然先去食個豐富早餐啦~

之後就返回房間搵泳衣，出發去大放電啦~

一個玩水專區就夠小小豬係入面大放電，睇見佢兩父子係入面玩得咁開心，點解我會漏左帶自己件泳衣上船，冇得一齊落水…鳴鳴鳴

佢地仲去左按摩池浸下添~

仲有一個滑水梯，小小豬話好好玩，佢都玩左唔知幾十次呀~

另外，仲有一個大人版滑水梯，DADDY就自己走左去玩，佢話五條滑水梯嘅速度都唔同，每一條都好刺激，一定要玩晒佢。 

玩完水我地就去玩一啲戶外遊戲~

玩左一個上午，我地回房間休息同洗白白之後，就去食午餐~

食完又當然係繼續玩，小小豬就入左去玩PLAYROOM玩，由於只係小朋友入去，所以我都唔知有咩玩，小小豬話入面都係啲小遊戲同打機，要佢自己一個玩就麻麻地鐘意哦~

平日唔俾打機嘅小小豬仲可以嚟放縱一下，因為DADDY破天坊俾佢去玩一局電子遊戲機添(雖然只係一局，小小豬都已經係好似中左頭獎，都話去旅行係有啲唔同啦…哈哈)~

玩左一陣我地又係郵輪上周圍行下，我地仲係甜品部見到有香蕉沙冰，所以就買杯係享受下啦~

船上都有一系列嘅親子活動，我地見到有一個尋寶遊戲好似幾好玩，所以就三口子報名參加啦~

我地按照指示，完成五個任務就可以啦~

我地要係兩層樓跑來跑去搵職員完成任務，雖然有點攰但其實又幾好玩哦...哈哈~

體力勞動完我地就去睇電影，小小豬就睇得開心，我就可以休息一下，因為涼住冷氣真係勁舒服呀~

又到食晚餐嘅時間，今晚我地就去左5樓食自助晚餐，感覺上比昨晚16樓嘅好少少...哈哈~

食完飯又當然想繼續玩，好啦.....就再去小泳池游下水啦~

瞓醒一覺原來我地已經返回香港，係露台上望出去個風景真係好靚呀~

由於我地九點就要落船，所以我地輕輕鬆鬆咁慢慢執行李，準備為我地依個愉快行程作終結了~

再一次謝謝星夢郵輪邀請，等我地三口子過左一個好玩又輕鬆嘅三日兩夜體驗之旅呀！