【學做街市小幫手】蠟筆小新玩轉「香港街市」@啟田市場

21 JULY 2018(SAT)

基本上小小豬由細細個都有陪我去行街市嘅習慣，因為我都真係鐘意行街市多過行超市，同埋帶埋小小豬去行街市又可以俾佢同多啲唔同朋友仔接觸，唔多唔少都可以學到點同人溝通(因為街市姐姐都真係好鐘意同小朋友傾計....當然我講嘅係唔旺嘅時候啦)。

不過隨住小小豬返左小學，陪我一齊行街市嘅機會就少左，冇法啦....全日制就係比較少時間，所以依家都係放假先可以陪我啦。

今日就有少少特別，小小豬約埋小新同美冴一齊嚟反轉「香港街市」~

今日嚟都係有個任務，就係學做一個街市小DJ，幫手做個小店員去推銷產品呀~

見到小新同美冴都已經好興奮，不過都要乖乖聽哥哥教啲技巧先可以去做街市小 DJ呀~

知道要做咩之後就可以出發開工啦~

第一站我地就先到凍肉店，幫店主姨姨推銷雞翼，一向唔怕羞又愛攪事嘅小小豬都好落力，拎住支咪就不停咀講...講...講呀~

之後仲拎啲雞翼俾啲途人試食添~

之後我地就去蔬菜店幫手推銷車厘茄~

小小豬仲要請小新齊齊試食車厘茄~

正當哥哥提及小新唔鐘意食青椒時，佢就二話不說拎個紅椒去驚小新，真係俾佢笑C呀~

順利完成任務之後，可以獲得小證書加許小朋友們嘅落力~

當然唔少得收到三個遊戲金幣做人工啦~

拎住噂遊戲金幣就可以去夾夾機夾蔬菜同水果，幫手加餸~

不過....小小豬一向都唔叻玩夾夾機，所以都係冇得加餸添~

冇戰利品唔緊要，最重要係享受玩樂過程，同埋可以學到嘢嘛。依個小小豬都不知幾鐘意做依個小DJ，一返到屋企又拎晒佢啲公仔朋友出嚟，不過佢今次就扮哥哥，教佢啲朋友仔做小DJ~

香港街市今個暑假都係唔同街市舉辨唔同嘅活動，所以有興奮嘅朋友仔都可以去佢地嘅 Facebook 專頁登記呀~

More Information : 
街市小 DJ
日期：2018 年 8 月 4、18 日(星期六)
時間：2:30 p.m.-3:30 p.m. 
對象：4 至 10 歲小朋友
由資深街市 DJ 擔任導師，傳授廣播及與商戶合作的技巧，從中訓練小朋友面對大眾說話的膽量。活動完結後，除了可獲頒「街市小 DJ 證書」外，街市 DJ 更會現場選出一名「小 DJ 人氣王」，得獎者可獲神秘小禮物一份及會員積分 50 分。

街市小當家
日期：2018 年 8 月 11、25 日(星期六)
時間：12: 00 p.m.-1:00 p.m. 
對象：4 至 10 歲小朋友 
小朋友化身作當家，他們須根據指定菜式，於限時內完成食材選購任務，體驗當家買餸經驗！參加者除了可獲證書外，限時內完成而且使用最少金錢的小朋友更獲選為「至叻小當家」，得獎者可獲神秘小禮物一份及會員積分 50 分。 

以上兩項活動地點： 香港街市 - 逸東邨、青衣市場、恆安市場、廣源市場及啟田市場 報名方法：家長可帶同小朋友於上述市場的客戶服務台向職員報名，或到 Facebook 專頁登記。


Facebook：https://www.facebook.com/HongKongMarket.hk/