【試用分享】MoonRock MR1護脊書包

16 JULY 2018(MON)

小小豬好快就會係一個三年級小學豬，對新學年佢最著緊嘅除左係啲教科書之外，另一個就係有冇一個靚靚書包用。咁我又覺得書包都真係幾重要，話晒都陪佢返學哦，所以我都有打算買個新書包等佢開開心心返學。

就正當我開始考慮買咩款書包嘅時候，就收到MoonRock送俾小小豬嘅禮物 - MR1護脊書包，睇下佢知有新書包用個樣幾開心~

MoonRock這個品牌其實都有四個系列(MR1、MR3、MR5、MR7)，我地家長可以因應小朋友嘅高度及需要選擇合適嘅款式。

小小豬今次依個就係MR1款式，適合120以上嘅小朋友使用，書包43(高) x 27(闊) x 15(深)cm，而且佢重814克，係四款當中最輕嘅書包呀~

MoonRock護脊書包仲榮獲脊骨神經科領域權威 - 美國脊骨神經科學會認証，為全球首個榮獲美國脊骨神經科學會認可護脊書包品牌，而且擁有多項專利，護脊效能備受肯定~

係適當情況下使用均確保產品可使用最少三年，並在正常使用下提供三年保養~

書包以五點式承託系統為脊椎提供全面保護(專利編號: ZL 2016 2 1234306.4)~

有效將書包重量平均分佈於兩邊肩帶、胸帶及腰帶，達到卸力效果，以免影響學童發育~

以智能透氣墊，隨著小朋友身體擺動，等背部與書包間保持空氣暢通流動，達致最佳透氣效果~

扣式肩帶的靈活設計，無須調教同時為不同肩膊寬度提供最佳舒適度~

背上身都可以配合跟脊骨形狀，小小豬都話好適度~

而且佢腰部也有支撐點，咁就可以好好將腰部保護~

小小豬就對佢嘅快拆磁石胸帶扣最吸引，因為只須兩隻手指便能輕易扣上及解除胸帶，佢話係超級方便哦(其實設計係用嚟協助固定肩帶係舒適位置呀)~ 

外觀雖好，但我都覺得實用係最重要，始終小小豬都係一個粗心大意又心急嘅小朋友，所以間格實用對佢嚟講都好重要， 書包大大細細共有四格呀~

每一格都都好實用，咁小小豬就可以分別擺放好書本..文具..視藝用品..等等~

書包仲附送方便收藏嘅防水雨冚，摺合起來體積細小，為已經作了撥水處理書包面料增添額外防水效能，確保書本不會沾濕~

親身體驗就來得實在，小小豬一見到個新書包就要試啦~

整體上都唔錯，小小豬仲對依個新書包好滿意添(嗱...大家唔好誤會，個書包顏色係小小豬自己揀，佢話依三個顏色搭好正哦.......我冇迫佢用粉紅色呀....哈哈哈)~

當然睇我分享就唔及自己親手感受來得好，所以有興趣嘅朋友去今年書展 MoonRock 書展攤位，如果即場購買佢地嘅護脊書包，仲有機會獲贈 MoonRock 文具包乙個 (限量 2000 份)，文具包附送 MoonRock F4 文件夾、鉛筆及筆記簿一份，送完即止。

More Information : 
Website：www.moonrockbags.com
Facebook：https://www.facebook.com/moonrockbags/