【試用分享】Lancôme 全新極致持妝輕透底妝系列

6 AUGUST 2018(MON)

雖然平日我都唔係點打扮，不過點到好我都一定會係出街時塗少少底妝，等自己看上來有點精神之餘，扮靚少少人都有返多啲自信心。

最近經公關姐姐介紹，我試用左Lancôme全新推出嘅「極致持妝輕透底妝系列」，當中包括極致無瑕持妝粉底液 SPF38/PA+++同埋La Base Pro妝前柔滑隔離霜。以前都成日聽到朋友仔提及Lancôme嘅底妝產品有幾好，今次終於有機會試用，所以都非常期待呢~

La Base Pro 妝前柔滑隔離霜~ 

妝前嘅隔離霜對化妝係非常重要，除左可以令妝容更加貼服之外，亦都能夠為肌膚作出保護，令膚色不會容易變黃。 

La Base Pro 採用3D原光科技，有效地折射光線，能夠修飾幼紋、毛孔及瑕疵，營造出完美幼滑的肌膚。此外，其輕盈、不含油份質感接觸肌膚後，形成一層幼滑粉嫩薄膜，緊緻肌膚，令之後塗拭粉底液粧效更貼服。

泵按式嘅設計，只要一泵嘅份量就已經足夠全面使用~

無色無味透明啫喱狀嘅質地，質感都好輕盈~

每次護膚步驟完成後就可以即時使用，係面上推開至均勻便可。使用後肌膚清爽不黏稠，而且好似形成左一層幼滑粉嫩薄膜咁緊緻肌膚，待之後塗上粉底液時可以更貼服~

極致無瑕持妝粉底液SPF38/PA+++~

全系列共有十二色，可供不同膚色的人士作選擇。全新配方是專為亞洲女性而設的，粉底質感透薄而長效保濕，其完美覆蓋度和持久度更長達18小時。粉底結合完美覆蓋度和持久度，塑造自然「素顏」妝容。吸油成分幫助吸收油脂，猶如海綿般鎖住油分，令肌膚柔滑細嫩，綻放耀眼光芒。

今次我就收到其中兩款色，包括B-01(淺色系列)及BO-04(深色系列)， 由於我本身膚色都帶點偏黃，所以我就選用左BO-04色系粉底~ 

同樣係泵按式嘅設計，大約一泵多少少嘅份量就足夠啦~ 

粉底液嘅質感非常水潤，而且都非常易推~

我用粉樸將粉底推開至全面，感覺順滑易推，而且佢嘅遮暇度都唔錯，不但能修飾毛孔，而且仲遮蓋我嘅面上紅印添~

最好就係個妝效好貼薄，唔會有焗及黏笠或令人油光滿面，即時可以打造亮澤自然妝容呀~

除左效果唔錯之外，對我嚟講快捷方便都係好重要。基本上都只係用多大約五分鐘左右就可以完成整個塗底妝部分(要知道...扮靚時間對一個媽媽係好重要嘅，全職媽媽會懂的)，咁就可以即刻看起來有點精神，出街都唔會怕嚇親人啦...哈哈哈！

More Information : 

Website：https://www.lancome.com.hk/ 

Facebook：https://www.facebook.com/lancomehk/