【桌遊迷喜訊】樂在棋中家庭分享會2018

13 JULY 2018(FRI)

說我地屋企有一條好嚴嘅家規，就係每晚小小豬最遲九點半就一定要瞓覺覺豬，就算佢依家大個仔都依然係要遵守。因為DADDY話唔容許見到小小豬有黑眼圈，同埋有足夠睡眠質素人都健康啲，所以基本上我地都真係好少去夜街。

唯獨依一個晚上DADDY唔阻止之餘，仲非常樂意我地夜返，知唔係小小豬最熱愛嘅樂在棋中嘅活動啦~

點解小小豬咁鍾意樂在棋中？或者咁講...係樂在棋中幫左我，其實細細個嘅小小豬都係一個唔肯認輸嘅壞脾氣(嗰時都真係激到我半C呀)，當時佢開始迷上港鐵，我亦都因為一次參觀過程見到佢地所推出嘅沿途在禮，最後.....我就用開始同小小豬玩，亦都因為係佢至愛關係，都叫肯學肯玩(當然我地都經過長時間訓練)，慢慢就開始學識輸嘅感覺。

由沿途在禮開始，小小豬就愛上玩桌上遊戲，既然玩BOARD GAME就當然玩啲同香港特式有關嘅好，可以係玩樂中學習多啲香港特式，所以我地就開始俾樂在棋中，玩下玩下.....慢慢佢就成為左樂在棋中嘅超級粉絲(佢真係對所有BOARD GAME玩法熟都不得了呀...哈哈)。其實唔止小小豬，就連我同DADDY都好鐘意玩呀！

今年又再一次好榮幸可以出席樂在棋中嘅分享會，小小豬一知道依個消息佢已經超級興奮，仲話要同啲哥哥姐姐齊齊玩棋添。

無錯...佢嚟到就真係櫈都未坐定就去左搵哥哥玩，第一時間就當然玩佢最愛嘅港鐵《沿途有禮》~

唔經唔覺原來都已經出到第七版，睇依個版次就知佢幾受歡迎~

今年推出嘅2018年版就來一個新攪作，就係推出點讀筆。只要一點就可以聽到平時搭港鐵時嘅廣播，真係好似成個港鐵搬左返屋企，相信港鐵迷一定超級鐘意呀~

當然除左沿途有禮2018之外，樂在棋中係今次書展期間將會首發兩個全新原創桌上遊戲，有新嘢就當然要去搵哥哥姐姐教下。

其中一款就係同愛護動物協會合作，推出嘅《動物拯救隊》~

這個遊戲就係以拯救和領養動物為主題，參加者就扮演拯救隊督察，去到香港島不同的地方，運用適合嘅工具去拯救小動物，再將拯救返嚟嘅小動物帶到未來主人手中~

我覺得依個遊戲概念好好，既可以訓練小朋友用腦袋思考下點樣用唔同工具去拯救動物，同時又可以明白領養嘅意義~

而另一個就以健康飲食為題材嘅《快手廚師》~

可能因為之前學校成日提及飲食健康，所以小小豬都已經3份榖物、2份蔬菜、1份肉不停口，所以依個遊戲就絕對啱晒佢。

參加者就要鬥快製作出午膳321嘅三個健康飯盒，然後再派給區內有需要人士，從中提醒大家對均衡飲食的意識~

玩完一輪遊戲就當然要聽下負責人黃頌行先生為我們介紹樂在棋中嚟緊係書展有咩新攪作啦~

今個書展佢地都真係好多節目俾大小朋友，分別係三樓兒童天地(攤位編號：3C-E18)，及五樓運動消閒博覽樂(攤位編號：5E-B04、5E-C15)都有展覽區。只要係樂在棋中攤位取得「港鐵安全遊車票」(遊戲券)之後，就可以分別係三樓書展兒童天地，同埋五樓運動消閒博覽參加互動遊戲，成功通過就可以蓋上印章，成功集齊四個就可以換取港鐵小型棋子一盒(數量有限，換完即止)。

另外係港鐵青衣站U2層機場快綫大堂(閘外區域)，設立左一個「樂在棋中‧港鐵安全體驗天地」，將桌上遊戲內容，變成一個互動體驗學習區(哈哈...真係好好玩，我地之前都book左去玩，按此重溫)。由於公眾反應熱烈，所以今次依個「體驗天地」就搬左嚟書展同步舉行嘅「第二屆運動消閒博覽」，所以各位港鐵記得去五樓玩返轉。

當然除左互動遊戲之外，一系到樂在棋中曾經推出過嘅桌上遊戲，好似《港環保》、《機不可失》、《$80環遊世界》都載譽歸來，所以各位大小朋友都可以去三樓兒童天地即場試玩下啦！

今個晚餐係小小豬有史而來食得最快嘅，因為佢要去玩遊戲。依個即將係書展預售嘅《The World Rescue》絕對係在場小朋友最興奮嘅遊戲~

以地球暖化為主題，讓小朋友知道地球暖化帶嚟嘅問題，當然....小朋友最鐘意係因為可以........玩水呀。遊戲以南北兩極冰山盡融，大家需要盡快救啲溺者，絕對係好玩又有趣，小小豬已經叫我去書展時一定要預訂依套新遊戲呀~

坦白講，依個花心嘅小小豬好少可對一樣嘢係咁長情，估唔到佢又真係玩BORAD GAME可以咁熱愛，一有時間都會主動提出同我地玩，當然佢鐘意玩BORAD GAME多過打機依個係好好嘅心態係好好，所以我地都好樂意陪佢玩，亦都係一個好好親子玩樂時間，所以......大家都可以多啲桌遊啦！


More Information：
Website：https://www.pob.hk/zh/index.html
Facebook：https://www.facebook.com/pobhk/