3 SEPTEMBER 2017(SUN)
印度椰子我都成日煲(因為真係幾鐘意飲嘛),前幾日陪小小豬去書店打書釘時,睇見一本烹飪書教煲依個滋潤健脾嘅印度椰子鮮淮山瘦肉湯,一見到話健脾就即刻想煲,所以又嚟煲依個靚湯俾小小豬飲啦~
印度椰子一個、鮮淮山一條、紅薏米一兩、鷹咀豆一兩、栗米一條及瘦肉$30~(一兩相等於 37.5g)
印度椰子 - 有助清燥熱、止咳功效、滋陰補腎、潤肺養顏、強壯身體機能嘅作用。 鮮淮山 - 有個靚湯健脾化滯和潤燥明目。
紅薏米 - 紅薏米同我地用開嘅白薏米其實功效大致一樣,但相對地紅薏米含纖維質多啲,而且具有調整免疫抗過敏功效,紅薏仁亦已被證實具有促進新陳代謝作用,有清熱除火,利尿消腫,養顏護膚,可預防青春痘與皮膚粗糙老化現象的發生,並能減少和淡化色斑。
鷹嘴豆 - 佢含有極高營養,有豐富的蛋白質,而且係消化不良、身體瘦弱、皮膚病等均有良好效果。
粟米 - 健脾和胃,利水通尿,益肺寧心。
(網上資料)
印度椰子洗淨切條;紅薏米及鷹咀豆浸洗一陣~
粟米去皮切塊;瘦肉洗淨汆水~
鮮淮山去皮切件,由於鮮淮山去皮後會有滑潺潺嘅黏液,所以就要戴上手套處理,如果唔係一不小心接觸皮膚,就會超痕啦~
煲內放約3L水,待煲滾後加入所有材料~
待再次滾起後,繼續先用大火加蓋煲約15分鐘~
之後就轉用慢火加蓋煲約1.5小時~
最後加入少少鹽調味就飲得~
其實初時都擔心今次加左鷹嘴豆一齊煲會有嗰一陣濃豆味,但飲落又唔多覺豆味,仍然係有好香嘅椰子味,入口仲好清甜添!
溫馨提示:
– 由於個別人仕體質不同,所以大家記得煲之前了解下自己,如有疑問,請先向註冊中醫查詢!
– 由於個別人仕體質不同,所以大家記得煲之前了解下自己,如有疑問,請先向註冊中醫查詢!
沒有留言:
發佈留言