【湯包體驗】祛濕祛攰湯

5 MAY 2017(FRI)

曾經同好朋友傾談時，原來佢哋都幾怕去藥材舖買藥材煲湯，因為對藥材舖唔熟悉之餘，買得份量少店員又會。。。。。，所以佢地都好少煲藥材湯。 但其實藥材都係好有藥用價值，就好似依家濕濕笠笠，總係要煲祛濕湯水嘛！ 

今次我應邀體驗首間網上湯包店 - 煲湯嘅材料包，我就揀左一個好啱依家天氣嘅祛濕祛攰湯~
 
依個祛濕祛攰湯就係針對依家嘅天氣，飲左就可以袪濕氣、增強睡眠質素、消除疲勞及袪骨火(專治頸梗膊痛、肌肉勞累)。

我平日煲藥材湯都係去相熟嘅藥材店執材料，我自己都真係比較少用依啲湯包，因為成日都有點擔心唔知入面啲材料好唔好。

不過今次俾我感覺都唔錯，大大包都幾足料，而且又係獨立包裝夠衞生，自己只需要再買$40豬骨及4粒蜜棗就可以煲啦~

 

湯包入面就包有湘蓮、麥冬、合桃、栗子、海竹、百合、白朮、老桑枝、淮山、雲苓、黨蔘及茯神，一包份量煲出就有8-10碗。而且仲有好清楚嘅指示，睇住嚟煲即刻變得好簡單呀~ 

 

先將所有材材浸洗一陣~ 

 

豬骨洗淨汆水~ 

 

煲內放約3L水，然後放入材料(豬骨除外)~ 

 

待水煲滾就可以加入豬骨~ 

 

繼續用大火加蓋煲約15分鐘~ 

 

之後轉慢火加蓋煲多3小時~

 

最後加少少鹽就飲得啦~  

 

有別於一般啖以藥材為主嘅祛濕湯，飲落都好甜，而且一啲藥材味都冇，所以話咁快就成煲清晒，大家都讚好飲呀！

More Information :

為慶祝煲湯一歲生日，係7 May - 9 May 購物期間，只要加入Code: HAPIBDAY，滿$300即減$57 (折扣後即使未滿$300仍享免運費) ，有興趣朋友可以留意下啦！ 

Website：https://www.botong.com.hk/
Facebook：https://www.facebook.com/botong.com.hk