桃膠雪蓮子煲黃耳

1 APRIL 2016(FRI)

早前有朋友仔問我雪蓮子嘅功效，亦都醒起原來我買左一包都未煮，所以就加埋屋企已有嘅桃膠及黃耳，煲返個糖水嚟鍚下自己先~

黃耳所含膠質亦非常豐富，可促進肝脂肪代謝，亦可滋潤養顏及延緩衰老。

桃膠含有豐富植物膠源，可補充皮膚膠原蛋白、增加皮膚彈性、減少皺紋。

雪蓮子營養成份豐富，屬高能量、高碳水化合物、低蛋白，低脂肪食物。而且可以補充膠原蛋白，可以滋養皮膚及養肝滋腎。

所以三者加埋一齊煲，可以話係補充膠原蛋白最佳組合，仲唔係勁啱女仕們飲用！

雪蓮子約20粒、桃膠半湯匙、黃耳2朵、圓肉3-4粒、冰糖少少~

 

將雪蓮子、桃膠及黃耳用水浸發十小時間或以上至軟身~ 

 

然後雪蓮子及桃膠就要洗淨後把黑色部分剪走。黃耳就去蒂切細細舊~

 

將兩飯碗清水加入煲內，然後再將所有材料，以中火煮半小時~ 

 

將兩飯碗清水加入煲內，然後再將所有材料，以中火煮半小時~ 

 

基本上所有材料都食得，食落又真係幾好味，而且仲好飽肚添...哈哈哈~ 

 
簡單得嚟又真係超滋潤，膠質仲好重，所以得閒都要煲俾自己食，女仕都要愛下自己先得呀！

溫馨提示：藥材依方面都係好因應個人體質，所以記得煲之前了解下自己，或者問下相熟藥材店職員，依個藥方啱唔啱自己飲呀！

**我地嘅FACEBOOK FAGE，唔知大家LIKE左未呢？**小小豬的成長日誌
大家一齊嚟交流下煮飯仔及去玩嘅親子樂啦！