自家蛋黃哥啫喱橡皮糖

9 APRIL 2016(SAT)

依期蛋黃哥大熱，一向花心嘅小小豬都成為左佢嘅粉絲。今日見有時間，用屋企現有嘅材料，再加上之前玩食玩嘅蛋黃哥模，同小小豬齊齊親子廚房，整蛋黃哥啫喱橡皮糖，等佢開心下啦~

整法都係好簡單，只需要啫喱粉、魚膠粉、粟膠同埋一啲雪橡皮糖嘅模型就得啦~
 
我之前都有間中整俾小小豬食，之前就多數整LEGO人仔同豬仔俾佢食，佢都不知幾鐘意。今次整小小豬近期嘅至愛，所以就等小小豬自己親手整啦！

準備一個量杯，倒入125ml室溫水~

 

然後倒入60g粟膠~

 

不停攪拌水及糖漿，直至看見兩者完全混合~

 

將糖水倒入煲中，但先不要開火~

 

然後加入14g魚膠粉~

 

再倒入啫喱粉~

 

需要等待約1分鐘，讓啫喱粉自行吸收水份~

 

然後再用匙羹慢慢攪拌至完全混合~

 

之後開低火煮8分鐘，緊記每隔1至2分鐘要慢慢攪拌，以免糖漿會煮焦~

 

關火後，待糖漿降至室溫，然後就可以把糖漿倒至模型中~

 

最後就可以放入雪櫃，雪到實就食得啦(一般約30-45分鐘就可以了)~

 

甩模後...小小豬自家制嘅蛋黃哥啫喱橡皮糖就誕生啦~

 

睇真啲...四粒蛋黃哥都幾似樣，同樣都係懶洋洋呀，都一樣咁可愛呀~

 
依個小小豬一見到個完成品都已經雙眼發光，所以佢就用左最快速KO左依四大粒，就連影相都好唔願意咁俾我影幾張，仲叫我唔好阻住佢依食蛋黃哥落肚，真係俾佢激C呀！

其實依個整法變化都可以幾大，可以因應小朋友鐘意嘅啫喱口味同公仔模型，整出唔同嘅款式，咁就實有一款係啱自己嘅小朋友。

既可以親子玩樂一返，又可以整到靚靚甜品，所以有時間都可以齊齊整下啦！

**我地嘅FACEBOOK FAGE，唔知大家LIKE左未呢？** 

小小豬的成長日誌
大家一齊嚟交流下煮飯仔及去玩嘅親子樂啦！