柴嘩嘩去學DIY

25 APRIL 2016(MON)

早前朋友仔問我有冇興趣齊齊去DIY，咁我一向都有興趣攪下啲手作仔，所以就跟埋一齊去玩下啦~

如果有用開嘅朋友，都應該知道我今次係用YOUNG LIVING嘅產品嚟整DIY。其實早一大段時間，我都經朋友介紹入手左一SET，聽朋友講之餘又睇見好多媽媽都有用，佢地都話好有效，所以就心思思，本著一試冇壞心態，就算係我地唔WORK，平日我當香水用都唔錯呀~

 

原來只係一SET基本油都有好多唔同種類，有啲我到依家都仍然未識分添...哈哈哈~ 

 
老實講，我用左都有一段時間，係朋友耐心咁教我之後，當中都有試過用係唔同途徑，但都好似冇明顯嘅成效(或者係我唔識用，用錯方法啦)，所以就冇朋友間談及咁神奇，不過.....係我身上都曾經有幾次我覺得又好似WORK WORK地，所以都可以嚟個小分享！ 

好似我地一家三口都有鼻敏感，所以朋友就教我用幾滴薫衣草+檸檬+薄荷精油放入放濕機薫，係晚上開住嚟瞓，用左一排我地一早起身打乞嗤次數又好似少左啲啲，所以我都有KEEP住繼續用。我唔敢講一定係啲精油問題，不過開住等間房香啲瞓覺，都幾好呀~

   
另一個我覺得有少少幫助就係有關呼吸系統，由於我係好易氣管敏感，所以一轉天氣我就會成日好似呼吸困難咁，朋友就教我加少 少RC精油係頸鏈，之後出街就帶住，咁可以有幫助。係早排轉天氣時我都有試用，用左幾日又真係好似呼吸暢順左，所以我都有繼續用。

不過...就有點難為了 同行者，因為曾經有朋友問我戴住啲咩，個味道唔係咁好閒哦(其實...咪即係好似香水咁，總有啲味道係會令其他人唔鐘意，下次再同依位朋友出街時，我就識 做唔戴啦...呵呵呵)~ 
 
好啦...唔講太遠了，講返今日個DIY先。

其實我一向都幾鐘意玩依啲DIY WORKSHOP，感覺就好似做緊實驗咁，左溝右溝再攪一攪，咁就成左一件製成品，仲係可以用得到，都真係幾有滿足感。所以朋友仔問我有冇興趣去玩時，我就即刻交錢報名，同老細請假去玩返一晚呀！

整面霜哦，初時都以為係好難整，但原來又真係俾我想像中容易，加少少V6、薫衣草花水、乳化劑同埋有助保濕嘅精油~

 

之後攪攪攪再入樽仔，咁就完成啦~ 

 

即場用手試，又真係幾潤哦~ 

 
之後就整對鼻敏感好好嘅膏，朋友仔話帶住出街KEEP住用，咁就唔洗怕一出一入冷氣地方會勁打乞嗤。

原來又係好易，只係用V6、蜂蠟、同埋薫衣草+檸檬+薄荷精油加熱煲溶再入樽，咁就得啦~

 

少少份量就可以整咁多，今次實有排用啦~ 

 

最後仲教埋我地整浴鹽，又係超簡單，將鹽再加啲精油就得啦~ 

 

其實....我唔係玩玩下，都真係整得好認真呀...哈哈哈~

 

今晚嘅製成品，二百蚊就可以玩成晚，又有咁多嘢帶返屋企慢慢用，真係勁抵呀(師奶仔又嚟啦)~ 

 

做完DIY，我地仲做左個精油測試，好簡單咁將手放係儀器上，就可以知我地身體上需要那些精油作調理用~ 

 

測驗完畢，原來我都唔係好差，用依幾款精油就得~ 

 
不過大部分都係同止痛有關，唔通我身體成日都痛，咁又真係唔知啦....不過除左第一支之外，其他我都係現成屋企有，得閒用下睇下對自己身體有冇明顯改善先！ 

嚟緊朋友話會開防蚊產品工作坊，如果成事我都想參加，可以整啲香香地又有效嘅防蚊產品都幾好呀！

**我地嘅FACEBOOK PAGE，唔知大家LIKE左未呢？** 

小小豬的成長日誌
大家一齊嚟交流下煮飯仔及去玩嘅親子樂啦！