原個樹上完熟「山頂XO」@榴槤BB

8 DECEMBER 2015(TUE)

今晚我地兩口子等小小豬瞓左之後就嚟撐枱腳，因為收到榴槤BB送嘅樹上完熟「山頂XO」，緊係要慢慢歎啦~

其實榴槤 BB對我地兩口子嚟講都唔陌生，因為早係中秋節時都試過佢地嘅產品(按此重溫)，所以佢地嘅質素都完全係冇問題，好值得一食再食呀！。

不過，老公一見到就好奇怪地問，點解依個天時仲有榴槤食 ？哈哈哈...咪就係因為榴槤 BB嘅榴槤係由馬來西亞直送到港，所以係冬天都可以食到。

包裝袋上附有一個QR CODE，只要一SCAN就可以睇到依粒榴槤嘅資料，就連佢幾時上飛機都會睇到，真係好有保障呢~

由於啲榴槤係空運到港，利用特製真空包裝袋下，之後又包滿層層嘅保護做得好好，所以係運送途中冇任何破損。而且佢地密封過程做得真係好好，所以係未打開真空包裝袋時，係唔會有任何榴槤嘅氣味呀(依點真係勁抵讚)~

嘩哈哈...一剪開密封包裝袋之後，嗰一陣濃濃嘅榴槤香味就飄出嚟，勁香呀！

原來今次依個山頂 XO係好特別，因為山頂 XO果樹係唔多，而今季馬來西亞彭亨洲雨水又比較多，所以依一批XO果樹收成同質量都特別好，所以我地就有好嘢食了。

其實一見到一整個榴槤，都有點不知所措，因為真係唔多識開。最後經朋友仔教路，用刀係榴槤尾按一下，之後用少少力左右扳開就得啦~

經過老公一返努力終於開晒，可以食啦~

山頂XO榴槤果肉係淡黃中帶點奶白色，果肉好飽滿，每粒都係脹卜卜，而且嗰一陣榴槤味真係好濃郁呀~

入口真係好CREAMY，而且啖落軟綿綿，唔覺唔覺我自己一個人都食左一半，真係從未如此瘋狂過~

我覺得除左有好濃郁榴槤味之外，佢仲帶少少酒香味，食完之後嗰一陣味道依然留係口內未散，好回味呢！

 

More Information :
Website：http://durianbb.com/
Facebook：https://www.facebook.com/DurianBB

 

**我地嘅FACEBOOK FAGE，唔知大家LIKE左未呢？**
小小豬的成長日誌
大家一齊嚟交流下煮飯仔及去玩嘅親子樂啦！