夜遊馬灣沙灘

13 DECEMBER 2015(SUN)

我地參加完挪亞方舟活動之後(按此重溫)，原本只係打算落沙灘坐一陣等夠鐘就去搭穿梭巴士。點知....依一坐就坐左個幾鐘，因為個馬灣沙灘個夜景係勁靚呀~

坦白講係我完全冇準備之下，我都真係十萬個不願意落沙灘，不過....見小小豬未去到個沙灘就已經好興奮嘅樣，為左唔想令小小豬失望，所以.....豁出去，落去玩一轉啦~

唔好以為兩手空空係沙灘會好悶，只要一個地方係鐘意嘅，我地大人又肯放手，就總佢地開心玩樂嘅方法。

小小豬唔例外，只要俾佢跑跑跳跳，係沙灘上爬爬碌碌，隨手咁係沙度掘掘下，咁佢就滿足了~

馬灣沙灘個環境又真係幾靚，唔怪之得在場有都有幾對新人影婚紗相啦~

隨住天色開始暗，青馬大橋又開始亮燈，好靚呀~

唔覺唔覺只係短短一個鐘，我地就見到馬灣沙灘嘅日與夜，兩個唔同嘅靚，就算靜靜地坐係度，都一樣覺得好舒服。好在當初肯放手俾小小豬嚟玩，如果唔係就錯入依個睇靚景機會呀！

 

 

 **我地嘅FACEBOOK FAGE，唔知大家LIKE左未呢？**
小小豬的成長日誌
大家一齊嚟交流下煮飯仔及去玩嘅親子樂啦！