泰園..泰..好味

13 OCTOBER 2015(TUE)

今日又嚟到女仕之夜，約左班朋友仔出嚟傾吹吹水，等我又充充電。由於有朋友仔話想試下泰式海鮮，所以就帶左我地嚟尖沙咀嘅「泰園」啦~

泰國菜我都成日去食，不過都只限係啲熟食，原來泰國菜都有海鮮，唔係朋友帶路，我依個大鄉理都唔知呀！

首先就係魚生拼盤~

望到第一眼，真係嘩左一聲，因係好大盤剌生呀，除左一般嘅三文魚..帶子之外，仲有象拔蚌同埋蟶子，依兩樣我都係第一次以剌生方式食，估唔到咁鮮甜。

配埋兩個泰式汁，更加好味呀~

泰式古魚柚子沙律~

柚子沙律再配上少少辣嘅醬汁，食落酸酸辣辣都好醒胃。而底層嘅魚都唔錯，肉質好滑，同埋冇咩魚骨，真係方便又放心。

嚟到我地今日主打，就係生醃奄仔蟹同埋生醃瀨尿蝦~

依兩樣我都食得多，不過生食都係第一次。估唔到用泰國醬油再配以新鮮醃製方式，再加少少辣，又真係好味道，肉質又好鮮甜，而且蟹膏我唔講得少，份量好足，真係食唔停口。

食左幾樣生嘢，係時候飲碗椰汁雞湯，暖暖胃先啦~

其實個味道都算唔錯，不過可能我自己比較鐘意椰汁味，就覺得個椰味唔算太濃，如果可以重多少少，咁就應該仲好食。

泰園特製豬手~

平日食開黑椒豬手，以滷水形式都係第一次，不過滷得又幾入味，唔算太濃味，而且又好稔，等我都返屋企試下先整先得。

泰式海南雞~

雞肉都算好滑，配埋個醬汁一齊食，都好好味呀！

泰式芝士焗大頭蝦~

大大隻嘅大頭蝦加上厚厚嘅芝士，真係未食就已經聞到嗰一陣勁芝嘅芝士味，再加埋彈牙嘅蝦肉，真係滋味極了！

食飽飽又點少得甜品呢，我地叫左豆腐綿綿冰~

超香濃嘅豆腐味，滑滑嘅綿綿冰，再加上清甜多汁嘅西瓜，真係超級解辣之選。

今日依餐真係可以話超額完成，大家都飽飽咁離開。不過，又真係估唔到餐廳位於尖沙咀地區，份量都算大份，而且收費又真係唔算好貴，我地平均每人都係四百蚊左右，又有魚生又海鮮，其實都算OK，最緊要係大家食得開心又滿足嘛！

 

**我地嘅FACEBOOK FAGE，唔知大家LIKE左未呢？**
小小豬的成長日誌
大家一齊嚟交流下煮飯仔及去玩嘅親子樂啦！