試飲：萃綠檸檬果膠代謝酵素

27 OCTOBER 2015(TUE)

檸檬水我就成日飲(要健康啲嘛)，如果唔係公關姐姐邀請參加今次試飲活動，我都唔知有檸檬酵素依啲飲品呀~

酵素依個名就成日都聽到，但...其實都唔知係咩嚟，所以我就上網搵下有關資料。原來酵素是在體內進行「分解」、「合成」、「吸收」、「排泄」等，是新陳代謝必要的物質。就算生活再健康、早睡早起、沒有壓力，人還是會進行新陳代謝。 所以透過補充酵素，讓我們可以應付生活上的許多外在與內在的侵害！

萃綠檸檬果膠代謝酵素將整顆檸檬完整壓榨，將絕無調整的「原汁」，與獨家專利研發益菌，結合無糖發酵技術，無水、無糖、無醋酸的萃取出頂級檸檬精萃液，讓檸檬的營養價值發揮至最大，讓身體有效吸收。

為何要喝檸檬酵素，直接喝檸檬水不就好？因為檸檬水不含酵素。而萃綠檸檬酵素，是發酵過的檸檬萃取，分子小且活性高，能讓人體完整吸收營養，且絕無添加防腐劑、塑化劑、色素，沒有醋酸不傷腸胃，相較於坊間含糖的檸檬飲(糖會抑制酵素活性)，更是完整保留檸檬的營養價值。

檸檬酵素原來都係好嘢嚟呀，亦都因為佢有檸檬多酚、檸檬酸同埋果膠成份，所以對增強免疫力、促進新陳代謝及抗氧化好有幫助。同時亦會增加糞便體積，促進腸道蠕動。當然最吸引我嘅就係可以健康地減肥，所以都的起心肝試飲呀！

萃綠檸檬果膠代謝酵素來自台灣，而且素食人仕都可以飲用呀~

有雷射標誌，正貨保證呀~

雖然一見到減肥兩個字，我都已經閃閃眼，不過我初試都係以日常保健份量飲用好啲~

每日早晚各飲用30ML，盒內附有小杯仔，好方便呀~

坦白講，頭嗰幾次入口都真係覺得麻麻地，可能嗰一種檸檬酸味較重，未能一時間接受到。不過飲左幾日之後，習慣左嗰一種味道之後，又覺得OK哦~

由於飲用檸檬酵素可以增強免疫力，所以都好啱小朋友飲用，所以我間中都有俾小小豬飲，以15ML加入大半杯溫水(水溫40℃以下以免破壞酵素活性)~

小小豬就只係間中飲，所以都唔太肯定佢飲完有啲咩反應。我就好乖乖咁飲左大約三星期，係減肥方面又好似唔太明顯，因為我好似冇減到磅數。不過飲完之後都有一種飽肚感，所以我都係食少左嘢(特別係零食)，咁就好似健康啲嘛！

 

More Information :
銷售點：Organic Foot - 在馬鞍山頌安商場106鋪
Website：www.healthchannel.hk
Facebook：https://www.facebook.com/honourweal/?ref=br_rs

 

 

**我地嘅FACEBOOK FAGE，唔知大家LIKE左未呢？**
小小豬的成長日誌
大家一齊嚟交流下煮飯仔及去玩嘅親子樂啦！

 

MyBB試用小隊 - 澳洲天然品牌Moogoo 牛奶輕柔潔膚乳及牛奶洗髮乳

26 OCTOBER 2015(MON)

小小豬今次可以成為MyBB試用小隊成員，試用來自澳洲天然品牌Moogoo牛奶輕柔潔膚乳及牛奶洗髮乳。沖涼洗頭嘅用品都真係日日都用，真係好啱用呀~

 

來自澳洲護膚天然品牌MooGoo，係澳洲有多達一千間藥房和保健產品店有售。產品的牛乳成份性質溫和，專門針對不同的肌膚問題，無添加石油等對人體有害的化學成份，以最天然的原料來改善、保護大人和小朋友的肌膚！

牛奶蘊含豐富營養，能為肌膚保濕，有助肌膚嫩白，並能減退因敏感而產生的紅腫反應，尤其適合嬰兒使用，加強天然的保護屏障，為肌膚提供全面呵護！

MooGoo牛奶輕柔潔膚乳~

牛奶滋養潤膚沐浴乳添加天然成分，牛奶蛋白與人類皮膚蛋白相近，能維持肌膚彈性。天然酯（油酸甘油酯），有助防止皮膚水分流失，保持皮膚濕潤嫩滑。以葡萄糖打底的沐浴乳，叫癸糖苷。最初這種成分被用於嬰兒的濕紙巾以及面巾，它的性質和水一樣對皮膚無刺激。由6種不同天然成分的清潔因子組合而成，相比只用一種清潔因子刺激性較低。還添加了其他成分，幫助調理肌膚~

輕輕一泵就已經夠小小豬洗白白用，佢嘅質地唔算杰身，呈半透明奶嘅顏色，不過就有一種淡淡嘅牛奶香味~

小小豬大個仔要自己洗白白啦~

少少就好易起到泡泡，雖然泡泡分量就唔算太多，但用後都會係好乾淨呀~

MooGoo牛奶洗髮乳~

牛奶洗髮乳使用牛乳保護頭皮，抑制頭皮上微生物的滋，長結合了多種不同天然成分，有效去除頭皮上的微生物，從而改善頭皮問題。配方不含香料、pH值平均，是一支很有效的天然清潔劑~

質地同潔膚乳差唔多，不過就呈牛奶色，同樣都有淡淡嘅牛奶味~

洗頭可以話係小小豬最鐘意一環，因為可以不停卒泡泡呀~

小小豬用左都用左約兩星期，係依個轉天氣嘅敏感時刻，佢嘅身體都KEEP住滑滑。頭髮用左又好似順滑左，同軟屬左啲啲呀。

其實唔止小小豬，係依個轉天氣嘅時候，我自己都有一齊試用潔膚乳。用後皮膚唔會乾燥，就算唔即刻擦CREAM都唔會好硬乾乾，而且仲覺得嫩滑添咗。

 

More Information :
Website：http://www.moogoo.hk/
Facebook：https://www.facebook.com/pages/MooGoo-Hong-Kong-Macau/155648504459752

 

 

**我地嘅FACEBOOK FAGE，唔知大家LIKE左未呢？**
小小豬的成長日誌
大家一齊嚟交流下煮飯仔及去玩嘅親子樂啦！

 

 

 

暢遊清新地有機農莊

25 OCTOBER 2015(SUN)

早前睇左魚子媽嘅分享，知道西貢有一個好靚嘅有機農莊，剛好魚子媽又組團一齊去玩，所以我又參加埋一份，帶小小豬去感受一下農莊生活啦~

白沙灣碼頭有船來往農莊，我地一大班人當然係選擇依個最舒服嘅方法啦~

經過大約二十分鐘車程，再行一段小路，就到左我地今日嘅目的地啦~

我地分批係農莊進行活動，首先就係連導賞哥哥參觀農莊內嘅植物。導賞哥哥都好用心為我地每樣作介紹，又講解有機農莊嘅種植方法。小小豬都好用心咁聽住導賞哥哥講解，之後仲扮導賞員同我邊行邊講，真係俾佢笑C呀~

參觀之後就開始製作自家鬆餅，其實小小豬一向都有同我一齊整嘢食，所以都難唔到佢，基本上由麵粉加牛油及牛奶再搓麵團依幾個步驟都係佢自己做，我就係旁邊睇下協助下啦~

係等鬆餅焗好嘅時候，我地做去做薄荷盤栽。其實小小豬之前都有試過整盤栽，不過今次就有啲唔同，因為由剪薄荷苗到落盤都係佢自己做呀~

依三盤係小小豬嘅完成品，佢仲話要負責每日照顧佢地添。其實步驟都真係好容易，只係小小豬成日將個身"痴"得太埋落個身度，攪到成件衫都係泥。不過唔緊要啦，體驗農莊就係會咁，之後洗乾淨手仔，再拍下件衫，咪又可以再玩過~

整完盤栽即係我地個鬆餅都差唔多焗好，有隻心急為食豬直頭企定定出鬆餅出爐呀~

自己一手一腳整嘅都係特別好味呀~

食飽飽又休息過後，我地就去小公園玩一陣放下電。嘩....整個公園仔個環境真係唔錯，好靚呀~

有咁靚嘅地方小小豬當然係勁興奮，不停左玩玩...右玩玩，玩得不知幾暢快呀~

玩完一輪，又係我地食嘢嘅時候，齊齊動手整冷麵。麵團大會就為我地提供，小小豬就負責碌平個麵團，然後用麵條機整成一條條麵。

小小豬都整得似模似樣呀，攪笑嘅佢仲叫我買部麵條機返屋企，等佢都可以係屋企都可以整麵條~

小小豬仲自己煮埋麵添~

最後去埋負責人拎埋啲配料，咁就可以食啦~

哈哈哈....點解咁好餸？因為魚子媽及小K媽媽帶左啲腸仔同粟米嚟俾我地加餸呀~

食飽飽當然又係去玩嘅時候，我地去餵羊仔啦~

其實啲羊仔都係好溫柔(只係其中一隻大羊成日好狼C咁衝埋嚟搶食)，不過依隻大膽豬越餵越前，旁邊睇嘅我都真係驚驚地呀~

農莊內都有一部小型電汽車俾小朋友玩，$25可以玩10分鐘其實都幾......，不過小小豬又非常熱切咁話想玩，佢又肯乖乖去排隊，所以愛豬號DADDY當然答應佢嘅要求。

不過，好唔好彩地當小小豬乖乖排左15分鐘之後，部電車仔冇電冇得玩，失望嘅小小豬都有啲唔開心呀。最後，DADDY就推佢行小小嘅一段，滿足一下佢啦~

嚟到今日最後一個活動，就係小K媽媽為一眾小朋友講故事啦~

各位小朋友都好留心聽故事，由原本嘅大圈圈，越坐越埋咁變成一個小圈圈，仲有好熱烈咁回答問題，我地在旁都覺得好小朋友們好可愛呀~

哈哈哈...聽完故事小小豬都意猶未盡，自己睇下圖書先~

其實今日清新地有機農莊之旅都真係唔錯，最好就係整日消費都唔算貴。我地團費每位$80包導賞、整鬆餅、花茶同整小盤栽，再加$40整冷麵，來回船費都係$30，一家三口$500唔洗就可以玩成日，係一個咁舒服環境有得玩又有得食，計落其實都幾抵呀！

小朋友可以接觸到有機嘅耕種，又可以親手整嘢食，仲成班小朋友一齊玩，依啲體驗平日比較少，所以有機會我都想再嚟玩過。

悠悠閒閒咁就過左一日，真係多謝魚子媽嘅介紹同埋為我地事前嘅安排呀！

 

**我地嘅FACEBOOK FAGE，唔知大家LIKE左未呢？**
小小豬的成長日誌
大家一齊嚟交流下煮飯仔及去玩嘅親子樂啦！