新春幸運麵包工作坊

7 FEBRUARY 2015(SAT)

哈哈哈...早前好姊妹糖糖係TRY-IT抽中左參加由金像牌及8度海逸酒店合辦嘅【金像牌新春幸運麵包工作坊】，所以我又可以跟埋一齊去學整麵包啦~

其實我之前都買過金像牌預拌粉返屋企，諗住同小小豬嚟個親子廚房整菠蘿包，不過見我冇出POST同大家分享就知我失敗左啦！

今次真係一個好好機會，等我可以跟8度海逸酒店的糕餅總廚黃利忠師父偷師，順便睇下上次整菠蘿包個死因係乜嘛！

由於新年將至，所以黃師父就會教我地整黃金鳳梨菠蘿包﹑笑口常開雞尾包~

大會一早就為我地準備好晒所有材料~

活動一開始，當然就係先將預拌粉、酵母、水、牛油和蛋漿混合，並揉成麵糰~

之後就去到個重要程序，亦都係我上次自己係屋企失敗嘅原因，就要將個麵糰不停咁搓，要搓到個麵糰起筋，而且表面光滑不黏手，便可以拿去發酵~

我地搓成嘅麵糰係需要發酵一小時先可以繼續整，不過因為時間關係，大會為我們預早準備了而發酵及分開菠蘿包及雞尾包的麵糰為六份~

利用已經進行第一次發酵嘅麵糰，就可以做包餡料程序。其實餡料大會一早亦為我地準備好餡料，右邊嘅係雞尾包用，左邊嗰份係菠蘿包餡料，入面真係有菠蘿，所以今次真係名正言順食菠蘿包呀~

將餡料混入麵糰揉成球狀，將包好餡料嘅菠蘿包及雞尾包拎去做第二次發酵~

係等第二次發酵嘅時候，大會主持為我地介紹各金像牌預拌粉~

還記得上年去工展會時都只係推出左幾款麵包材料，估唔到一年後加推出咁多唔同種類呀~

哈哈哈...聽完介紹仲有問答遊戲，我贏左盒預拌粉呀~

玩完遊戲時間亦都剛剛好，第二次發酵完成後啦！

菠蘿包就把已揉成的菠蘿包皮分開幾份，並放在已發酵好的菠蘿包麵糰上然後把蛋液塗在麵糰上，最後就把糖蓮子及杏仁片擺在菠蘿包皮上作裝飾~

雞尾包就用剪刀在麵糰上割十字紋，用手撥開已割開的麵糰部分，放上一粒紅棗~

兩款麵糰做好之後，就可以拎去焗啦~

其後就由Panasonic的職員為我們介紹Panasonic最新的全自動麵包機~

依部麵包機只需放入所有材料，就會自動製作，減卻了搓麵粉的程序全自動搓麵粉同發烤時間~

職員仲即場利用麵包機整左啲麵包俾我地試食，又真係幾鬆軟好食哦~

大家最期待嘅時間終於到，我地嘅黃金鳳梨菠蘿包及笑口常開雞尾包終於出爐啦~

哈哈哈...可能係自已整嘅關係，所以就算個外觀好似有少少爆餡情況出現，我都覺得幾靚呀~


最後大會都好細心，為我地準備左悠閒位置，等我地享用製成品~

今日除左有得學整麵包，金像牌仲送出茶餐廳系列嘅預拌粉俾我地。有咁多預拌粉，加上我又學識左個技巧，今次仲唔有排同小小豬嚟親子廚房整包包啦！