MyBB試用小隊-浸大開奶茶

8 FEBRUARY 2013(FRI)

係MY BB.COM試用小隊早前抽中左BABY ART產品玩意之後，今日又同大家分享另一樣試用產品，就係浸大尚方出品嘅開奶茶啦~

其實開奶茶我每星期都有俾小小豬飲一至兩次(視乎佢便便情況啦)，之前我都係係藥材鋪買返嚟自己煲。不過....次次煲左一大煲之後，小小豬都只係飲兩支奶奶嘅份量左右，其餘嗰啲大肥豬又唔鐘意飲，所以每次要倒一半，好似好浪費，所以之後就KEEP住一個月先煲一至兩次(不得不承認我懶左少少添)。

其間都有係坊間幾間大規模嘅出嘅沖劑我都買過返屋企試，不過我自己試飲時就覺得真係好甜，所以我都唔敢俾小小豬飲，怕太甜影響佢平日嘅胃口，所以見有得試用依款開奶茶就當然想試啦！

係未俾小小豬試飲前，我自己都有試飲一杯，我都覺得味道可以接受，最好就係完全冇甜味，可以放心俾小小豬飲呀！

一盒有十小包~

打開係一粒粒狀嘅~

用法都好簡單，先用約150ml熱水溶解，不過有部分大粒粒就比較難溶，有時就要利用筷子嚟攪拌好~

之後就可以好似平日開奶咁就得啦~

開餐啦~

小小豬飲左兩星期，每星期都有飲一次，整體上胃口就好似沒有明顯變化(冇反應都係一件好事哦)。不過，飲完第二日嘅便便就會大堆頭啲同埋有時就會有兩次大便，我諗應該都係啲開奶茶功效吧！

**我的微博..關注吧**