第一張成績表

31 JANUARY 2013(THU)

今日係一月份嘅最後一日，亦都係小小豬其中一個重要嘅日子。因為返左學一個學期，今日係上學期嘅最後一日，派成績表啦！

其實幼兒班嘅成績表都唔會有啲重要嘅嘢，不過始終第一次以家長身份收成績表，所以都真係好緊張呀。

依一張就係小小豬人生第一張成績表啦~

老師俾嘅評語又幾好哦~

上學期嗁成績就普普通通、中規中矩啦，不過都係我預計之內，因為小小豬係學校都係攪事份子嚟嘛！

希望下學期張成績表會好啲啦！

除左派成績表之外，仲有一本圖畫簿呀~

成本圖畫簿都有好多手工，不過有啲實在太靚，都唔多似小小豬做(可能係老師幫手整啦)，所以就同大家分享啲比較似小小豬嘅手工啦~

哈哈哈...都唔算太醜怪，希望冇嚇親大家啦！

平日一星期都有一個勞作派返屋企，估唔到原來係學校都有咁多手工，所以話其實小小豬返學都有好多嘢學，真係要多謝老師呀！

**我的微博..關注吧**