繼之前小小豬鐘意坐膠盒之後,今日又有新攪作,就係坐筲箕~
坐係度玩都唔夠,仲要唔識危險咁企係個筲箕上面添~
原本啲筲箕係俾個百厭豬一份份玩具咁放好,真係唔知佢係邊度學返嚟,拎起哂啲玩具,坐係個筲箕上面,真係俾佢激C呀!
依個百厭仔真係多人錫,當我想罵佢玩筲箕同成地都係玩具時,小豬爸又係度幫小小豬話好說話:小朋友就係咁,佢自己咁有創意地玩,唔好罵佢啦!
有小豬爸幫口,不過我當然係唔容許小小豬咁百厭啦!所以,小小豬之後既下場就係,俾我罵住嚟執返晒啲玩具。雖然小小豬係喊住咁執,但我都唔俾其他人幫,要佢自己做返晒,等佢知道自己係有錯。
趁依家仲細慢慢教,到佢怕會變成習慣之後,就好難改返啦!
**我的微博..關注吧**
沒有留言:
發佈留言