飲茶記

5 APRIL 2011 (TUE)

今日係清明節，原本都以為要帶埋小小豬一齊去拜山，盡吓做子孫嘅孝道。不過係前幾日，小豬爸就話小小豬仲細，加上拜山嘅地方又熱又焗，為免小小豬辛苦，所以我地就唔洗去。雖然唔洗去拜山，但我地都有係出發前去飲茶，享受一吓家庭樂嘛！

其實小小豬都唔係第一次去飲茶，之前次次都唔係坐係BB車就要我地抱住。不過佢越嚟越大個仔，就開始不甘於坐定定鐘意搗蛋。

今次當然唔例外，好想四周圍攪，所以小豬媽就建議試吓俾小小豬坐BB椅，等佢有啲新琉意開心一吓！

第一次坐椅仔，小小豬都算坐得幾穩，仲坐得好開心添~

哈哈..坐得好就有得獎勵食包包呀~

 

又嚟一張溫馨三口子先~

 

係依個幾鐘嘅飲茶時間，小小豬都係好乖乖咁坐定定，真係要俾個叻叻佢呀！

下次再去飲茶又可以俾小小豬坐椅仔啦！