聯合醫院睇眼科

31 MARCH 2011 (THU)

上次去健康打完六個月針時，因為我地同醫生講覺得小小豬眼睛有少少斜視，所以醫生就轉介左我地去聯合眼科作再進一步檢查。

可能係BB關係，唔算要排好耐，大約排左一個月左右，到今日就可以見醫生，我都真係估唔到可以咁快，所以今日請左下半假，同埋小豬媽一齊去聯合眼科睇醫生。

一入到個醫院嘅眼科診所，真係嚇左一跳，坐完晒啲公公婆婆，小小豬都可以話係最細嘅睇醫生嘅，嗰一刻都真係有啲以為我地去錯地方，真係唔明白點解唔係轉介我地去兒科。

不過竟然健康院醫生轉介得，應該都有啲原因，所以我地都係乖乖地等。

好在，等左一個鐘左右，就可以見醫生(開頭見成個診所都係人，心諗都唔知洗唔洗等成幾個鐘呀！)。醫生幫小小豬做左一輪測試，小小豬都好合作，乖乖咁配合醫生(真係要俾個叻叻先得呀)。

經過測試之後，話眼睛沒有問題，完全沒有斜視問題，叫我地放心。但因怕會有潛在問題，所以半年後再去覆診，KEEP住睇個情況。

我對小小豬完全唔擔心，因為我地都覺得小小豬眼睛問題有好大好轉。不過既然有醫生睇，去睇睇都冇防呀！