月亮王子

14 APRIL 2011 (THU)

自從發現左小小豬識得月亮眼睛之後，總之一見到有人想撩佢玩時，佢就會整個月亮眼嚟迷人，想搵人同佢玩。

就係今日，當小豬媽睇電視嘅時候，小小豬又嚟發揮佢個迷人月亮眼，想撩婆婆同佢玩呀~

哈哈...小小豬笑起嚟對眼睛真係越嚟越矇，又越嚟越彎，所以大肥豬幫佢改左名叫『月亮王子』呀！

一見佢依個迷人月亮眼，真係俾佢電到暈得一陣陣呀！