至冧兩婆孫

13 APRIL 2011 (WED)

小小豬真係越嚟越識嘢(當然係啲曳嘢多啦)，依排開始就識得嗲人同埋好痴物，尤其當我地話佢曳曳嘅時候，佢就會即刻扮晒乖咁伏係你心口，等你唔話佢。

就好似今日小豬媽同小小豬玩到攰時，訓左係梳化，小小豬又嚟。不過睇佢地兩婆孫個樣，都知佢地都係好冧啦....哈哈~

係小豬媽身上，小小豬即刻變成一隻純情小羔羊呀~

小小豬真係好痴小豬媽，總之小豬媽唔洗罵只係抱起身，就即刻伏係小豬媽身上，仲要勁乖咁唔郁。我都只係間唔中可以有依個情況出現，攪到我都有少少呷醋(只係少少)呀！

不過....小豬媽唔錫小小豬，小小豬又點會咁痴身呢？所以我其實係應該開心先真...哈哈哈！