小小豬拆禮物

21 MARCH 2011 (MON)

今日我又幫小小豬收到一份禮物，依個小小豬真係幸福，有咁多人錫，成日都有禮物收，就連我依個媽咪都好羨慕呀...哈哈哈！

之前朋友仔送嘅禮物，都係由我地幫佢拆包裝，今日當我俾份禮物小小豬睇時，佢就好興奮咁望實份禮物，所以就決定係我地嘅教導吓，俾佢自己拆左份禮物啦！

成個拆嘅過程好似係鐘意張花紙多過個玩具，乜都鐘意放入口，就連花紙都唔放過，拆左少少就放入口，真係俾依個豬豬激親呀~

哈哈...依個音樂波波小小豬都不知幾鐘意， 可能係一按鈕就會出音樂，所以特別吸引注意，睇嚟依個貪新鮮嘅小小豬依排又會轉換好朋友啦！