搗蛋之王

16 MARCH 2011 (WED)

自小小豬擁有部烈火戰車之後個駕駛技術真係越嚟越高超，除左唔識得真正向前行之外，一坐落車車就好開心咁周圍走，可能依個小小豬好鐘意自己周圍去。

其實我地都唔係俾佢坐好多，每日最多都係30分鐘，又或者小豬媽需要行開埋時去，就俾佢坐車車。

就係今日小豬媽要入廚房整少少嘢時，小小豬就嚟左一個搗蛋之作~

真係俾依個小小豬激親，都唔知佢點解有咁大力，可以將疊A4紙散成咁，唔怪得之小豬媽話係廚房入面完全聽唔到佢有聲音，原來係搗蛋中。

人仔越大就越喜歡搗蛋，真係要睇緊啲先得啦，不過食個搗蛋豬豬又真係幾可愛呀！