上環遊

5 APRIL 2010 (MON)

因為電影『歲月神偷』關係，之前電視成日都介紹永利街，覺得都好似好特別(可能都係俾電視洗左腦啦)，都有啲興趣去行吓影吓相，所以就約埋大小M一齊去影相啦！

去到目的地就已經見到好多人係度影相，當然我地都唔例外，不停係度影...影....影啦~

不過條街真係好短，由街頭行到街尾都唔洗五分鐘，我地邊行邊影都只係用左差唔多半個鐘左右就影晒啦！

見時間尚早，所以大M就帶左我地去附近個青年會紅磚屋影吓啦~

之後就周圍行，原來上環都有好多懷舊地方，真係唔行都唔知呀~

由於晚上我要同屋企人食飯，所以影完相之後一齊搭地鐵出銅鑼灣後就各自SHOPPING，就係咁我又過左一個好開心嘅下午啦！