D羊羊出世啦

前日我將上年麥當當出嗰隻生肖羊仔拆左個頭出嚟俾D女當帽仔戴，又真係幾得意嫁~

今日又有新攪作...就係D羊羊出世啦！

係唔係好得意呢？上次只係拆左個羊仔帽時，已經好想將個身都拆埋當衫仔，不過一向手工都唔係太好嘅我就一早已經失敗左啦！

今次依件衫仔係糖糖拆左佢屋企隻羊仔之後整，我一見到就勁鐘意，叫佢今日帶返工借俾我隻DOLLCENA著吓先。

就係咁...我個D女就著住件羊仔衫，真係勁MATCH呀！

真係不得不讚吓糖糖有咁好嘅手工同耐性去拆左隻羊仔，睇嚟我都要落足心機自己拆埋另外兩隻先得啦！(真係拆野拆上癮呀..呵呵)