新春第一煎

經過三天嘅新春活動，日日都要早起身，都有少少攰呀！

今日我同大肥豬都仍然係放假，我地都冇特別嘅節目做，所以可以訓番晏啲休息吓啦！

起身之後，我就開始準備我地個早餐...其實係午餐先真...哈哈。

新年哦.....當然唔少得煎吓年糕同蘿蔔糕，應吓節啦。

其實係小豬媽同奶奶屋企都食左好多，不過自己就未煎過。今次仲係我第一次煎年糕同蘿蔔糕呀！

哈哈...好在都煎得有板有眼，都唔係好燶，大肥豬都話好味呀~