今日係年初五,終於都有人嚟我屋企拜年啦!
今日嚟屋企拜年嘅就係我嘅小豬家庭成員、姑姐、嘉汶表妹仲有契大佬兩父子,加加埋埋都有成十幾個人,好耐都冇試過咁多人光臨啦!
為左準備今晚個晚餐,我一早就去街市買餸,返到屋企又忙住洗洗切切,希望可以預備一餐好好嘅晚餐俾大家。
幾十人嘅晚餐我當然仲未可以煮到好好,加上又有小豬媽依個高手係度,所以我都係為大家準備一個豐富邊爐宴。
等齊人....我地就開餐啦!
哈哈....我地仲留番初三摘嘅蘿蔔同生菜嚟打邊爐,可能係新鮮摘關係,到今日食都好好味,個蘿蔔仲好甜呀!
大家食飽飽之後,一齊玩吓、發吓新年財啦!我地又玩魚蟹蝦,又玩啤牌,當然大家都係小小地玩吓咁啦!
玩到最後小肥豬我竟然做左大贏家,贏左百幾蚊,真係勁開心,都係第一次贏咁多呀......哈哈
今晚大家都玩得好開心,個個都開開心心咁走,見佢地咁我就更加歡喜啦!
嘩...今晚原來我都收左幾盒賀禮,偷偷地睇到樣樣都係我鐘意食嘅,今次真係有排食啦!
沒有留言:
發佈留言