遊新界買年花

今日約左小豬爸同小豬媽仲有契大佬去還神，我地去左好多地方，包括沙田車公廟同埋荃灣玄圓學院。

當我地去到最後一站時，小豬爸見時間尚早，所以就渣車入左新界嘅花場，睇吓有冇靚靚年花買啦！

個花場入面真係有好多靚靚年花~

見到咁多靚花花，雖然唔係買，但都影吓相啦~

我地都係主要買水仙花，因為水仙係旺夫嘛，所以一定要擺番盤水仙花係屋企，旺吓大肥豬先得啦！行左一陣，又影左一陣相，終於到我地揀花花啦！

其實啲水仙花係放左係地上一盤盤咁買，當然一盤入面係有靚有唔靚，為左要揀啲靚花花，所以我地都不顧儀態咁係度不停揀..揀..揀，揀到靚為止。哈哈..好在老細見到都冇話我地呀！

揀左好耐，終於都揀好左我盤靚靚水仙花啦，當然係小豬爸同小豬媽幫我揀多啦，我其實都唔識.....哈哈~

食完飯番到屋企第一時間就同大肥豬一齊將盤水仙花放入個靚靚盤入面。開頭都唔識，不過整整下又好似得得地，都好似有少少層次，都幾靚呀！

等我聽日去買埋條紅絲帶，咁就靚晒啦！

希望佢地可以唔遲唔早，時間剛剛好咁係初一就可以開花開得好靚，咁大肥豬係牛年就可以旺...旺...旺啦！