又嚟敘一敘

今日我又約左班BLOG友仔出嚟食吓飯、傾吓計啦！今次出席嘅有我、小M、KEKKA、BB YEE同小茵，真係一次比一次多人，一次比一熱鬧呀！

我地今次就去左旺角嘅樓上POM CAFE食，我自己就好少去依啲CAFE食，計埋今次都係第二次去CAFE餐廳。

依間CAFE嘅野食又真係好似麻麻地，最重要就係啲野食好似唔多熱(可能天氣太凍影響到啦 ~)。 不過我地都唔係志在食野，都係貪佢可以坐耐啲傾耐啲計咁啦！

唔覺唔覺.....我地都係間CAFE坐左成三個幾鐘，大家乜都講吓，又諗番起大家結婚時嘅趣事，都真係幾開心。最後當然要整番張大合照啦~

除左影合照之外，我地仲係度玩自拍，哈哈...都幾得意呀~

係一片歡樂笑聲吓，我地個敘會就結束啦。係臨走時大家都掛住我地個BBQ活動，所以過左新年之後，我地一定要攪番BBQ先得。