新攪作

今日D女又有新攪作，睇吓佢頂新羊仔帽幾得意~

牛女戴左羊仔帽又幾有型哦~~

大家有冇覺得羊仔帽熟口熟面呢？哈哈哈....其實依個帽係我將上年麥當當出嘅軟硬生肖公仔拆出嚟。

睇下就係左面第一隻啦~

前幾日睇廣告知道今年軟硬又係麥當當出左生肖公仔，突然間又醒起好耐之前係其他朋友仔BLOG見過有人將公仔頭拆出嚟俾B女當帽戴，所以就又有樣學樣，將原先擺左係學校依幾隻公仔帶番屋企拆..拆...拆，哈哈...又幾得哦！

嚟緊仲有三隻俾我慢慢拆，真係幾好玩呀！我依家仲想將下半身都整埋裙仔，咁就成隻生肖上身，應該仲得意...呵呵呵！(不過都好似幾難，希望成功啦！)