開心的一天 PART 2：暢遊迪欣湖

離開左迪迪尼，就去左大門口嘅噴水池匯合我嘅兩位朋友仔~~ 大M與小M。

因為我地今日參加左M&M攝影團，一齊去影相呀！

今次都係第一次我地非飯局約會，仲係第一同埋老公一齊去街街，所以唔多唔少都有少少緊張同擔心，擔心兩位男仕會好悶。原來都幾好哦，哈哈~~

我地第一個目的地就係迪欣湖，一去到就即刻係影相時間啦~~

係門口影左一陣相，就去玩船仔啦~

雖然係第二次玩，不過都仲係覺得好好玩。著好救生衣影番張合照先啦~

我地今次沿住成個湖踏，真係幾FREE，加上個天氣都OK，所以都幾舒服。今次都係去左個噴泉中心一次，所以個身冇上次咁濕，不過好在有小M係度，如果唔係大肥豬一定話要踏去個噴泉中心幾次呀！哈哈~~

係我地飄浮時，就玩吓部新相機，四周影。我地仲玩吓D效果相，扮下COOL影相，都幾得意呀！

原本有一張勁攪笑嘅相，不過大肥豬唔肯俾我放上嚟。諗起嗰張相我都忍唔住狂笑呀！哈哈哈~~

我地玩左約唔多一個鐘船仔，見好似有黑雲嚟緊，所以就上船，去行吓影吓相啦！

我地係度影左好多相，因為有大M同小M係度，所以有好多合照呀！真係勁開心..唔洗四周叫人幫手影啦！

我同小M好襯，大家衣著差唔多呀...不過影完依張相就俾大M笑我地著制服添！哈哈~~

影左一陣相，就返去迪迪尼酒店，再繼續影相啦！