又嚟買新衫

今日大肥豬要開OT，所以放工就約左小豬媽出銅鑼灣行街街，打算陪小豬媽買對靚鞋。

我地行左一陣，LULU妹又放早，JOIN埋我地一齊行，所以就一行三人去行街睇野啦。睇過幾間鞋鋪都睇唔合心水，所以小豬媽都冇收獲呀！

見未夠鐘同小豬爸食飯，所以我地又繼續行吓商場睇吓靚衫咁啦。

其實今日由頭到尾都冇諗過買嘢，自己成日都話要慳。點知...行過間鋪頭做大特價時，見到件衫都幾靚，加上小豬媽引誘，最後就買左依一件衫。

我就有依個小小嘅收獲，反而小豬媽想買鞋同外套就睇唔合心水。有時諗，你越想買就越買唔到，反而你唔想買嘢，就會買到嘢，真係幾攪笑呀！

弊啦....唔知係唔係年紀開始大，依家真係成日買嘅都係好SHARP COLOUR嘅衫，唉...

返到屋企即刻俾大肥豬睇我件新衫，佢竟然話：又係一件俾人誤會嘅衫！

真係俾佢激死...我今次著會帶BELT，唔會再俾人誤會啦！