奶奶出院啦

今朝九點幾就俾醫院打電話嚟嘈醒。開頭都有少少緊張，因為睇電視都有講，醫院打嚟都唔會有好嘢啦！

不過..好在...原來醫院打嚟俾通知我地奶奶可以出院啦！真係開心啦~~

因為大伯話唔洗咁多人去醫院接奶奶，所以我地就留係屋企等電話，到差唔多時間就去奶奶屋企等啦！

奶奶係一個好傳統嘅人，認為去醫院依D地方都唔係好嘅地方。所以係未返屋企就去左髮型屋洗頭，仲SET左一個靚頭，之後仲用D葉仔沖涼。

等奶奶整好晒野之後，我地就同佢去左食下午茶。陪佢傾左一陣，跟住我地就走啦！(因為今晚有特別節目)

見奶奶依家咁精神，醫生都話奶奶個情況係OK，都放心晒啦！

不過奶奶真係好攪笑，因為我地買左飛聽日下午同佢、老爺去遊船河食自助餐。當大肥豬問奶奶聽日係唔係仍然去遊船河時，奶奶竟然好緊張咁話：仲乜唔去呀？有得去當然去啦！

可能奶奶係醫院悶左兩日，係時候要去玩吓先得啦！