幫幫手呀~

前幾日開始係7-11又有新野換…..就係 PADDINGTON BEAR啦！

我本身都唔算特別太鐘意BEAR BEAR，不過今次出嘅都幾得意，所以都打算開始儲佢地印花換番隻嚟掛手袋。(所以如果有朋友仔有印花多..可以俾我呀！哈哈~~)

除左公仔之外，我仲睇中佢地個出嗰個一大一細嘅環保手挽袋，幾靚呀…拎住去買餸好似冇咁師奶嘛！

當剛剛出時，幾間7仔都有大量貨，當時我仲考慮緊買唔買。點知..當我想問嘅時候，間間都買晒，唉…都怪自己考慮得太耐，攪到依家冇得買，都覺得自己抵死呀！

依個故事教訓就係..想買就要買，如果唔係就冇得買啦！

如果各位朋友仔見到邊度仲有得買，記得話我知，等我即刻衝去買番個呀！麻煩晒~