幾時先換齊

係7-11剛剛開始換BEAR BEAR時，都係打算換一兩隻。不過依家換吓換吓，好似上左引咁，成日都好想去換BEAR BEAR....(連大肥豬都俾我攪到上引，同我爭住睇個盒仔係邊隻BEAR呀！哈哈)

經過我嘅努力(當然都好多謝朋友仔俾D印花我啦！)，係上個星期已經換左依四隻BEAR BEAR。

哈哈...我仲好開心咁，因為頭四次換都冇相同。某程度上都覺得自己好好彩，冇抽相同呀！

不過...好運原來係咁快就冇啦！

尋日..又再去換左三隻BEAR BEAR，點知....終於都相同啦！唉....都真係DOWN DOWN地，以為自己可以好快換晒。

我依家仲差『經典BEAR』同『燈芯絨BEAR』，唔知幾時先可以換整晒佢呢？