我的奶奶

今日返左小豬媽屋企食飯，食完飯見冇乜電視睇，加上又倦倦地，所以就早左少少走，諗住返屋企整吓嘢咁！

當我地返到屋企樓下，突然有人大叫大肥豬。原來就係奶奶，因為佢煲左D涼茶，所以就拎嚟俾我地，又帶左D生果俾我地食。

當我地見都奶奶時，都真係幾突然，因為之前都完全冇聽過佢話拎野俾我地。加上都成九點幾，佢應該都等左我地一段時間！

原來奶奶唔識用部新電話，所以唔識打電話搵我地，所以就係樓下公園仔等我地返啦！

依件都係一件開心事，因為佢專登拎野俾我地，都好感動。

不過就有少少內疚，要佢一個老人家係樓下等我地，雖然佢都係公園仔坐，但始終都唔好嘛！

真係...要快D教識佢用電話先得，等佢下次再嚟可以先打電話俾我地嘛！