北上買畫

係我地新居未入伙時，都請過位風水先生嚟睇，佢建議我地係幅牆掛牡丹花畫，咁就會好D。嘩...會好哦，當然即刻好乖咁四周去找畫嚟掛啦！不過...係香港唔係有好多，一係就唔靚、一係就勁貴，所以攪到搬左入嚟都幾個月都仲未找到啦！

聽人講話大陸有條油畫街，所以成日都想去，但我地又唔識路。

今日見契大佬北上買嘢，所以我就同小豬媽一齊上去買啦！原本大肥豬都想一齊去，不過回鄉證剛剛過期，所以冇得去啦！哈哈~~

一去到油畫街，第一個感覺就係真係冇改錯名...好多唔同種類嘅油畫，佢好多都好靚，我地偷偷地影左D相啦！

睇左一陣，我地就不停咁去搵牡丹花畫啦！依度真係有好多..有好多都幾靚，不過就好海鮮價(都比香港平好多呀)。

揀左好耐，終於都比我搵到張好合心水嘅畫，真係好靚呀！

因為太重，同埋佢仲未加工，所以我地就叫個老板幫手CALL運輸送嚟，星期五就到，真係有少少心急添！

希望佢快D送嚟，等我即刻掛上牆，咁大肥豬就會好好啦！哈哈~~