我的住家男

今日帶左LULU妹去朋友仔度整負離子，所以成個下午又得番大肥豬一個係屋企。不過就係因為依個原因，大肥豬又俾左一個驚喜我啦！

我今晚食完飯返到屋企，就發覺屋企好大唔同..就係好乾淨呀！(平時都算乾淨，不過今日就仲整齊呀！)

原來成個下午大肥豬就做左住家男，做左好多野..換床單、拖地、洗左一機衫，又洗埋個神檯..做左好多野，總之就執得間屋好整齊啦！

除左執屋之外，大肥豬仲將我之前係油畫街買幅牡丹花畫掛埋上牆呀！

一個下午可以做咁多野，都真係唔可以唔俾個叻叻大肥豬呀！

其實一向大肥豬都有幫手做家務，某程度上佢仲做得仲多過我。不過今日佢一個人留係屋企做到咁多野，又真係令我覺得好開心，又感覺到自己好幸福呀！(哈哈..唔可以俾大肥豬知..如果唔係佢又飄飄然啦！)