頭先去左做FACIAL，原來幫我做嗰位姐姐剛剛係上年結婚，佢同我講左好多結婚嗰D野我知。
首先佢我講叫我係影相前半個月要電眼睫毛，因為如果唔電，再貼上假眼睫毛會好似有兩層毛毛，如果影近鏡會好覺唔靚。(喺佢自己經驗呀!)
仲有件GIRDLE，佢話如果唔係好貴，可以考慮喺婚紗店買埋，因為佢地堅挺D，可以SHOW到身型較好。雖然係緊D，但影出來會好好多。
最後到大日子，佢話一定要好好好小心選化妝師，因為有時試妝係OK，但到現場就會好有問題。
我諗嗰位姐姐唔係想SELL我D乜，佢只係以過來人身份講D經驗俾我。因為佢話自己唔係好懂化妝，佢自己都有少少後悔。
有樣野好好笑呀~我問佢洗唔洗做背部磨沙，磨吓D粒粒。佢好細聲同我講(因為佢老板娘係隔離)，當然唔洗啦~你影相只係影前面，邊有人睇你後面呀!到你大日子先啦~唔好浪費埋D無謂錢呀!
我覺得嗰位姐姐D 手勢幾好呀!又唔成日SELL我(上次幫我嗰個一開始就SELL我好多野呀!)，所以我下次都BOOK左佢幫我做呀!~~
沒有留言:
發佈留言