有冇攪錯

依個禮拜係小一收表的日子，作為一間學校的小書記，當然要做負責收表嗰個啦~

今日都已經係第三日，一切都好順利(因為每年都有D『好特別』的事件，會好少少唔開心)

不過，今日我好嬲呀!好唔開心呀!

有一位家長帶埋佢個小朋友嚟交表，開頭都OK，大家都好健談。到走時，嗰位媽咪就叫個小朋友：快D同『姨姨』講拜拜啦!!我當時即刻突左一吓，扮晒冇嘢。唔知係唔係嗰位媽咪知道自己講錯左，立刻改口叫番姐姐。

有冇攪錯，叫我做『姨姨』，人地都唔係好老，返工都唔係著得成熟呀!真係好嬲呀!