超黑的一天

今日由起身，望出窗外，好大雨，仲以為係黑色暴，於是我就好黑心坐喺度等睇新聞。點知原來係黃雨，真失望，唯有急急腳換什衫番工啦~不過真係好大雨呀!我只好等細雨少少先出門口。

當我等車的時間，佢又開始落暴雨~~~~又大風大雨，我真係唔知企喺邊等車好啦~又慘又狼狽，仲成身濕晒。等左好耐都冇小巴，想等的士又冇......真係苦不堪言。

等左好耐終於有車啦，當然我一上到車，就開始細雨。不過真係唔可以開心得噤早，我一落車就變得好大雨，喺番到公司門口先叫細D呀!

不過~~事件係未完，因為今日唔係好舒服，咪準時放工，諗住番屋企訓吓啦~

我都等細雨嗰時先走，點知當行出門口嗰時，又再落暴雨。我都唔理，快快步行算啦~不過我依家番到屋企，哈哈~~又細雨左啦~

今日真係超黑呀!上天真喺識同我開玩笑啦~