16個MISS CALL

今日都唔知仲乜，一起身就好似傻吓傻吓，唔知想做乜。可能因為近排食左幾日消炎藥，攪到痴左。

胡里胡塗就換衫番工、去搭車......一路都好似冇乜事。當我落車打算打電話俾媽咪嘅時間，我唔知係我冇帶呀定係留左係小巴度，我果時都幾驚，話晒都買左唔係好耐.......

我返到公司第一時間就打番電話俾自己啦~冇人聽呀!屋企又冇人可以幫我CHECK吓，我成半日都好驚......

最後我媽咪打嚟公司找我，話我知原來我真係留左係屋企呀! 好在......

番到屋企CHECK，原來有成16個未接來電，平日我個電話就冇乜人找我，我一唔帶就噤多人找我，真係怪呀!