買左花球啦

好緊張呀!!!仲有一個月多就去影婚紗相啦，所以最近都開始買所需物品~

之前係好多地方睇花球，終於係一個網站睇中左兩個花球紫茶花垂尾花球大蕙蘭垂尾花球

原本嗰個蕙蘭花球已經賣左，嗰位小姐幫我再做過。我都諗住到時睇到實物嗰時先決定買邊個。因為我哋都諗住只係買一個，唔想洗太多錢係這些地方。(留番D錢買相呀)如果可以的話都諗住結婚嗰日都用埋嫁。唔好浪費嘛~~

今日放工時段，同媽咪一齊約左嗰位小姐見面睇貨啦~我哋見到兩個花球時，都覺得兩個花球都好靚，可能係先入為主同埋嗰個蕙蘭花球係佢專登幫我整，所以我係鐘意蕙蘭嗰個多少少。但其實茶花嗰個又好清，兩種有不同嘅靚。

係我仲考慮緊買邊個嘅時間，媽咪竟然同嗰位小姐係度講數，叫佢平D買晒兩個俾我。係我猶豫的時候，佢地都已經講好晒$500兩個。仲話第日我再買野俾折我呀!所以我就為由俾錢啦~~~~

最後我問媽咪點解噤衝動呀!佢話：結婚同影結婚相都係一生人一次， 一定要最靚呀!兩個都真係靚，到時咪兩個用晒黎影相囉。如果KEEP好D，結婚嗰日都用番，條數都係度啦~

我一定會KEEP得好好，明天去買嗰盒好好放好，都影完相之後收埋佢，留番大日子再用。

不過唯一的問題就係一定會俾大肥豬罵死啦~佢成日都話買一個就ok啦~