【開心暢食自助餐】大馬滋味台灣風@港島太平洋酒店

6 JULY 2019 (SAT)

暑假MODE繼續開動，小小豬緊係日日要去玩，今日我地中午就先去上環一帶周圍行下，去醫學博物館睇下，之後夜晚我地就去左港島太平洋酒店食自助餐，嚟一個開開心心嘅星期六~

今次嚟酒店就換左一個新主題「大馬滋味台灣風」，一次過可以食晒大馬同台灣嘅特式美食~

其實我地都嚟過幾次，每次感覺都唔錯，我地三口子都好鐘意佢地嘅環境，坐得舒舒服服咁先可以開胃暢食嘛~

除左坐得舒服之外，熱葷方面都係我地欣賞地方之一。可能因為小小豬主要都係食熟食關係，所以係自助餐方面我地都比較著重熱食，今次嘅種類都比較多，好似有馬來西亞炒粿條、參峇醬炒蘿蔔糕、斑蘭椰漿飯、台式柯仔煎、鹵肉飯、燻肉酸菜割包同埋台式鹽酥雞都好吸引~

仲有唔同口味嘅台式烤腸添~

小小豬話最鐘意食黑卒卒嘅墨魚味同原味..哈哈~

當然唔少得老公最欣賞嘅冰鎮海鮮盤，波士頓龍蝦同埋鱈場蟹腳絕對係佢至愛，來來回回都唔知佢食左幾多轉了~

咁當然唔少得我次次主攻嘅刺身同壽司，啲刺身都好新鮮呀~

場內仲有即叫即製嘅娘惹叻沙、台灣牛肉麵同埋海南雞飯~

我自己一向都好鐘意食叻沙，見住廚師煮嘅時候都有一點期望，佢都冇令我失望，個味又真係唔錯，香濃叻沙帶有少少甜味，我仲食左兩碗添~

唔食叻沙嘅小小豬就食牛肉麵啦~

每一次去食自助餐我都唔會飲湯(可能覺得湯總係自己煲嘅好飲好多...哈哈)，不過今次就破例了，因為個肉骨茶真係好香，而我屋企又唔會煲到，所以就飲左好幾碗~

另一個白苦瓜黃豆燉湯都係強烈推介，平日我都唔煲苦瓜(因為我唔食得..呵呵)，所以見餐廳有就緊係叫佢兩父子飲返碗嚟清清熱~

小小豬都話好飲呀~

食飽就緊然開始食甜品，細細件夠精緻，而且食落唔會覺得甜，真係唔覺唔覺食左好幾件，我個人最推介就係紫薯慕絲蛋糕同埋馬六甲椰漿布甸~

不過講驚喜就一定係依個立體台灣鳳梨乳酪蛋糕~

其質我同小小豬初時都研究左好耐，都唔知個菠蘿食唔食得。經廚師叔叔講解之後，原來真係可以食而且仲幾好食，啱我依個菠蘿控口味~

仲有新鮮水果車仔檔~

同埋唔太甜又消暑解渴嘅冬瓜檸檬水任飲~

當然唔少得小小豬至愛Häagen-Dazs雪糕啦~

不過論小小豬歡喜程度就一定係依個即製液態氮雪糕，睇住大廚表演時嘅不斷冒煙真係睇到佢地不停大叫「嘩嘩嘩」呀~ 

菠蘿椰漿雪糕就有得食啦~

雖然已經嚟左幾次，不過次次都有驚喜，小小豬每一次都滿心歡喜食到飽飽先離開。依家上網BOOK位就有七折優惠，以依個價錢再加上食物質素都叫OK，所以下次又可以再嚟ENCORE再食過啦！