19 AUGUST 2018(SUN)
因為係我地上機前係FACEBOOK見到在平台介紹,睇見到個地址都係離酒店只係八分鐘路程,咁近都冇理由唔嚟食啦~
由於小小豬都有睇開Mr. Men系列嘅圖書,所以佢都對一眾主角都唔會陌生,當入到餐廳見到咁多Mr. Men,佢都不知幾興奮~
四周圍都用左Mr. Men再加上新加坡特式做佈置,都真係好靚呀~
座位旁都放左好多唔同嘅公仔,當然又係影相好時機啦~
小小豬見到咁多公仔仲主動叫我幫佢影相添(放心....啲公仔都好乾淨呀)~
仲有每一張枱都有一個人物做主角,超可愛呀~
仲有Mr. Men & Little Miss 連餐牌~
一入餐廳就掛住周圍影,終於到左食嘢嘅時候。由於係即叫即製(我眼見好似得一位廚師處理食物),所以等嘅時間都比較耐,所以.....應該一早order左食物先用圍行,咁就可以慳啲時間。
先嚟一杯Butterfly Pea Flower Momo Juice~
Mr.Strong Milo Red Velvet Waffles~
店員一送到我地都嘩嘩大叫,因為真係好靚呀。除左靚之外,其實佢味道都好好食,我就最鐘意佢個美祿Brownie,入口好香美祿味但一啲都唔會覺得好甜。當然仲佢個紅絲絨窩夫都好吸引,我都係第一次食紅絲絨甜品,個味道又幾得意喲。小小豬就當然最鐘意個士多啤梨雪糕同啲棉花糖生果,轉眼就俾佢KO晒啦!
Little Miss Princess Bandung Strawberry Parfait ~
咁靚嘅甜品就當然係相機食先啦~
餐廳內都可以買到啲Mr. Men & Little Miss嘅精品,當然又係我教小小豬...睇左當買左嘅時候啦...哈哈哈~
不過去旅行就唔理咁多,最緊要都係食得開心同玩得開心嘛!(最見之後買餸打返多啲斧頭幫補下啲私己錢...哈哈哈)
沒有留言:
發佈留言