【朋友係要見嘅】好友相聚食大餐@PIZZA EXPRESS

7 AUGUST 2018(TUE)

一踏入八月就係我嘅開心月，因為我同小小豬都係八月壽星嘛。朋友們相約同我地預祝生日，我就緊係非常樂意，除左可以唔洗大熱天煮飯時，另外都係嗰句....朋友係要見嘅。

今次我地就近近地去左PIZZA EXPRESS食生日大餐啦~

嚟PIZZA EXPRESS有兩個前菜就一定要叫，第一個就係雞肉凱撒沙律，唔知點解總係覺得佢地整得係同外面嘅有所分別，好味好多呀~

另一款就當然係麵包球，小小豬一個人仔都可以食三粒呀~

小小豬另一至愛，就係依個小蕃茄意粉(唔好意思全名我唔記得，依個名係小小豬改嘅，因為好多小蕃茄哦)...哈哈~

我地仲好健康咁叫左一個蔬菜麵，味道又真係唔錯呀~

嚟PizzaExpress就當然唔可以少得食Pizza，朋友仔就最鐘意試新嘢，所以我地就叫左最新推出嘅「熱浪派對薄餅」同埋「五味紛陳薄餅」啦！

原來依兩個Pizza都大有來頭，係早前舉行嘅減廚餘挑戰賽，零浪費COOK OFF廚藝挑戰賽兩款精心炮製嘅薄餅嚟呀。

兩個PIZZE嚟講，我個人就比較鐘意「熱浪派對薄餅」，當茄汁醬再加少少墨西哥辣椒同埋辣肉腸，真係辣辣地好吸引。最...最重要係有我至愛嘅菠蘿，真係好難抗拒佢呀~

另一個就係素食菜式嘅「五味紛陳薄餅」，其實單看外表都真係唔知佢係一個素PIZZA，佢係以菠菜瑪莎拉醬再配以軟芝士、洋葱、紅辣椒同埋馬蘇里拉芝士，味道都唔錯呀~

小小豬話佢食得超飽飽，仲話啲食物豐富又好味，不過我就覺得最重要係有朋友仔齊齊邊食邊傾，就咁開開心心又過食左一個HAPPY DINNER TIME！