【自家制月餅迎中秋】小丸子奶黃月餅@奇華工作坊

10 AUGUST 2018(THU)

由於我地都比較少俾小小豬睇電視，所以佢認識嘅卡通片人物唔算多小丸子，不過小丸子佢就一定認識，因為小丸子卡通片係佢有睇開嘅卡通之一。今次就應邀嚟奇華工作坊學整小丸子奶皇月餅班，小小豬都不知幾期待~

其實「小丸子奶皇月餅班」所需要嘅時間都大約2個半鐘，初頭都有啲擔心我同小小豬都應乎唔嚟。不過原來所有材料負責人都一早為我地預備好，我都可以安心去享受今次嘅整餅啦~

首先就當然係睇老師嘅示範啦~ 

由於我地係親子班，所以老師都好詳細慢慢教我地整~ 

睇見老師三兩下手腳就完成，唔知我地又係咪一樣咁容易呢。到我地動手了，小小豬話佢剛才好留心睇老師講解，佢好有信心可以自己整，叫我只係旁邊睇住就得哦~

小小豬搓個月餅皮又好似幾好，之後就可以將餅皮分為8份，依個時候就要老師幫幫手啦~

小小豬就好專心咁量度每份29.5G嘅月餅皮~

搓成波波咁就可以拎入雪櫃雪一陣定形~

奶皇餡包入餅皮中，小小豬包得真係特別慢，佢話怕包爛個皮，咁小丸子就唔靚哦~

幾經辛苦佢終於都包好晒八粒啦，全場晒慢就一定係佢~

之後就嚟到最期待嘅壓模過程，小丸子一家人已經準備好晒啦~

壓模過程都有少少難，因為壓得太大力就會爆皮，太細力又印唔到個樣，所以都係要助教姐姐出手相助啦~

然後就係月餅上掃一層蛋漿~

將月餅放入焗爐先烤4分鐘，再焗多5分鐘~

最後再塗上一層糖漿，咁就大功告成啦~

放涼後便可以入盒~

由於剛才小小豬塗左比較多蛋漿，所以出爐嘅月餅就比較燶，所以各人物樣子都唔係太突出~

不過唔緊要啦，其實個味道都一樣，只要係小小豬用心整就係一個好月餅，佢仲話要返屋企請DADDY食添~

除左學整小丸子奶黃月餅之外，我地仲跟老師學整雙黃蓮蓉月餅，睇老師示範都已經覺得好難呀~

之後就到我地自己整，其實比起老師我地都已經簡單左好多，起碼唔洗搓個月餅皮，但都係唔知應該點入手好~

初時小小豬都叫做可以跟到，但一到個包蓮蓉過程就真係.........，所以都係請助教姐姐幫手好了~

係半幫半做情況下，小小豬嘅雙黃蓮蓉月餅成型啦~

焗好左之後都叫做見得下人，不過就要等一星期先可以食呀~

今個中秋都有一系列特式月餅推出，我地仲可以即場試食添~

小小豬對小丸子奶皇月同埋小玉芝士奶皇月就最為欣賞，佢一個人仔都食左半個小玉落肚添。我就比較鐘意個朱古力味奶皇月，好香朱古力味但就完全唔會覺得好甜呀~

公關姐姐仲俾左個小驚喜小小豬，為佢準備左一個生日蛋糕，有在場小朋友齊齊同佢唱生日歌，依個感覺真係好難忘.....多謝各位對小小豬嘅厚愛呀~

一次過整左奶黃同傳統月餅，原來都真係有啲難度，好在有導師姐姐幫忙，啲完成品都可以叫做合格。外表就係差左少少，不過最重要都係小小豬肯落手落腳有心機咁去做，所以依幾粒自家制月餅食落都特別好別呀！

More Information : 
小丸子奶皇月餅(親子班)
學費：港幣660元
名額：每班16組（每位學員可帶同一位8至12歲 以下小童共同參與）
課程時間：210分鐘 
課程包括： 迷你小丸子造型奶皇月餅8個、小丸子現烤盒2個（可放4個小丸子月餅/盒）、附送精美小丸子A4文件夾、小丸子行李牌、花輪行李牌及1套12個小丸子成員貼紙乙份（總值超過港幣100元正）

Website：https://studio.keewah.com 
Facebook：https://www.facebook.com/keewahstudio